الصدى أونلاين
بقلم: جسي مراد
بهاك الزمن الطهارة تحولت لملقى الأناشيد
.. والأناشيد الحرفية انحفرت عخطوط العطشانة…
والشارد يهجر هالقلب الغرقان بعروق الولهانة…
بين اسمك وحروفه الأربعة الحق يتمرجح غضبان…
وعحقيقة ضميرك انت عاشق الليل المرسوم عشبابيك الأنفاس…
خبيت بين رموش ربيعك أشواقه…
والبدر بيومها انسحرت خيطانه…
عهلال الكون غفيت ايديك عكتاف الحنين…
وانت بنظراتك لقلبي عنيد…
مرة شفتك بحلمي غامر روحي… ومانع السهر ياخدني
من عيونك … ولا تقدر حتى تنام…
والغفى عحافة جفوني…
تلاقيك خيال ويخاف قلبي يحترق عفراق مصور بكلام…
حبيت لحنك… وعشقت الموسيقى… العربية… وصرت أحكي لحالي وقول… نيال القلب بكمالك. ونيال العزف لما يلمح نبرة صوتك…
هانت علي بيومتا استبدل الدمعة ببسمة… والبسمة
مقدرة تتصونك بإيدها…
سجين جواتي…ما بتقدر غير تكون حاني راسك
عصدري… والضمة جمرة شهود…
عبير مصيرك… نقطة. والنقطة تتحول حروف…
والخوف يزول من قلبك المقهور…
الفكر علقني بجناح عروقك…
وموجة كيانك خجلت من الهوا يبعد من الشجون…ويلوم…
معركة إحساسي فيك…انتشلت وسهرت عرفوف
شلوح زنبقك الحلو…
وحبك يبلل غصون عيوني…
نور …وعاطفة…وحلا…
عكتاف التلي زرعت كلمات قصيدة…
تخبرك فيا…إنك سر جوات ضلوعي لا بيمل ولا حتى بيفل…
خلي الصمت… عبارة… والعبارة خليها تسكر من ضباب الكنوز…
يتكون الشعاع لشمس قلبي
يلي بيتجدد بالقرب
وبيجود ببعدك المرهون…
هيك كلمة (الحب الباقي) معك بتهون…
