الصدى أونلاين
جسي مراد
اختلاف وجهة نظرهن عم يبرز شخصيتنا قدامهن…
وانتقادن لوجعنا مجرد لحظة عم تقطع علينا…
يمكن عم نتشابه فيهن…وهني خايفين من عقدهن…بس
عقدهن ما بتكفي تتبرر مدى تفكيرهن الغامض اتجاهنا…
يمكن نضوجنا عم ببعدنا عنهن
ويمكن البعد عم يمنعنا نغرق بأعماق بحورهن…
بس وقفتنا بوجهن بتعطينا الشجاعة…بتعطينا القوة…
لأن خوفنا عليهن هوي خوفنا ع ذكرياتهن…
يمكن الحبر تبلل من أصابيعهن…
ويمكن نزفة سواد من عيونهن…
كانت الضعف يلي عم يواجه ماضيهن…
يمكن انسحرت أوقاتهن والوقت صار متل ممحاة تمحي خيالهن…
والغريب ع درب مغيب الورد ينطوي…
والضمة قريبة هربانة من عقابهن…
يمكن يكون وجعهن أكبر من أنو الصبا يحمي أجيالهن…
يمكن الحب أكبر من إنو ينسوا يلي جواتهن…
يمكن الأمل ع صدى الوديان يلملم الغربة لنامت ع تلالهن…
والحال يبقى عمواعيد العشق موال…
